Evdə, restoranda, parkda, alış-veriş mərkəzində və ağılınıza gələ biləcək hər yerdə uşaqların əlində netbuk, telefon, planşet görürük. Bəzi valideynlər uşaqları müasir smartfonlardan uzaqlaşdırmaqda çətinlik çəkirlər. Elmi texniki tərəqqi uşaqları öz aludəçisinə çevirib. Lakin qurtuluş yolu var. Bunun üçün uşaqlarınızla birlikdə oyunlar oynaya bilərsiniz. Bagcam.az Aile.lent.az-a istinadən uşaqları ağıllı cihazlardan uzaqlaşdırmaq üçün bəzi oyunlar təklif edir.
Mahnını tap
Uşağa bildiyi bir mahnını zümzümə edin, hansı mahnı olduğunu tapıb desin.
Hansı var, hansı yoxdur?
Masanın üzərinə bir neçə əşya qoyun. Uşağa diqqətlə baxmasını deyin. Sonra gözlərini bir bezlə bağlayın və əşyalardan birini gizlədin. Sonra gözlərini açın və ondan hansı əşyanın olmadığını soruşun.
Bu hansı heyvandır?
Ağılınızda bir heyvan tutun. Uşaq sizə o heyvanın xüsusiyyətləri haqqında suallar versin. Cavablarınıza əsasən hansı heyvan olduğunu təxmin etməyə çalışsın.
Rəngləri öyrədin
Uşağa rəngləri öyrətmək üçün çox əyləncəli bir üsuldur. Ona bir rəng söyləyin və olduğunuz otaqda həmin rəngdə bir obyekt tapmasını istəyin.
X şəklində bir obyekt tap
Rəngləri öyrətdiyiniz kimi həndəsi fiqurları da öyrədərkən eyni oyunu seçə bilərsiniz.
Hansı fərqlidir?
Bir kağıza ortaq xüsusiyyətləri olan bir neçə obyekt yazın. Bir dənə də fərqli obyekt əlavə edin. Uşağa fərqli olanı tapmasını istəyin.
Tapmaca
Uşağın tapa biləcəyi tapmacalar öyrənin. Sonra isə bunları ondan soruşun. Tapmaqda çətinlik çəkdikdə ipucları verin.
Hansı əlimdədir?
Klassik “hansı əlimdədir?” oyununu uşaqla da oynaya bilərsiniz. Bir əlinizə əşya qoyub arxanızda qarışdırdıqdan sonra uşaqdan tapmasını istəyin.
“Məktəbəqədər Təhsil müəssisələrinin rəhbərləri öz işlərində, xüsusən, uşaqların bütün təlabatlarına tam cavab verə biləcək praktik və nəzəri təcrübələrdən istifadə etməlidir”.
Əksər valideynlər “Uşaqları ilə birgə yatmalıdılarmı?” sualı ilə qarşı-qarşıya qalırlar. Bir yaşa qədər bu normal sayılsa da, bir yaşdan sonra valideynlərə problemlər yaradır. Bu zaman körpənin ata və anası onu ayrı yatızdırmaq üçün müxtəlif yollardan istifadə edirlər.
Son bir neçə gün ərzində ölkə ərazisində havanın qarlı olması müəyyən qədər fərqli bir görüntü yaradır. Belə ki, əhalinin o qədər də alışmadığı bu hava şəraiti adətən çox az bir müddət ərzində davam etsə də, qısa zaman üçün müəyyən problemlərlə yadda qalır. Uşaqların soyuqlaması, yıxılıb əzilmələr və qəzalar… Amma bütün bu neqativ hallara baxmayaraq, qar xəstəlikləri məhv edən ən ciddi amil kimi qəbul edilir. Bu baxımdan bakteriyaların məhv olduğu belə havalarda həkimlər təmiz hava qəbul etməyi məsləhət görürlər.
Bagcam.az Aile.lent.az-a istinadən psixoloq Aytən Əlizadənin məqaləsini təqdim edir.
Normal sağlam insanda baş, bel, çanaq (ləyən sümüyü) və ayaqların orta nöqtəsi eyni şaquli xətdə olur. Normal onurğanın öndən görünüşündə sağa və ya sola doğru əyilmə olmur. Onurğaya öndən baxdıqda sağa və ya sola doğru əyilməsinə skolioz deyilir. Yaşı 10-dan az olan uşaqlarda müşahidə edilən skolioz yetkinlik dövründə olan skoliozdan fərqlidir. Bagcam.az Aile.lent.az-a istinadən türkiyəli həkim İlker Qaripoğlunun uşaqlıq dövründə aşkarlanan skolioz haqqında fikirləri ilə sizi tanış edir.
Bagcam.az Ailem.az-a istinadən tibb elmləri üzrə fəlsəfə doktoru, pediatr Şəhla Rüstəmovanın məqaləsini təqdim edir.
