Uşaq sahibisinizsə, əminik ki, onu bərbərə apardığınız zaman bir sıra çətinliklərlə qarşılaşmısınız. Belə vəziyyətlərdə ediləcək ən yaxşı şey uşağınızın saçlarını özünüzün kəsməyidir. Bu, uşağınızı sakitləşdirməklə yanaşı saç kəsiminin evinizin etibarlı mühitində edilməsinə şərait yaradacaq. Bundan başqa həm pulunuza, həm də uşağınızı bərbərə aparmaq üçün sərf edəcəyiniz vaxta qənaət etmiş olacaqsınız.
Uşaqların saç tellərinin sizinkilərdən daha incə olması istisna olmaqla, saç kəsməyin əsas üsulları eynidir. Uşağınızın saç telləri qalınlaşana qədər qısa saç kəsimləri etməkdən qaçın. Saç kəsmək mövzusunda təcrübəsizsinizsə, addım-addım saç kəsmə bələdçisinə ( internetdə) müraciət edə bilərsiniz. Burada etməli olduğunuz əsas məsələlərdən biri uşağın fikrini saçına yönəltməkdir, nə qədər saçına marağı yaransa, bu sizin işinizi bir o qədər yüngülləşdirəcək.
Övladınıza saçlarını necə şampunlamağı və yumağı da göstərin. Darama, fırçalama və qurulama kimi təmrinlər uşağa lap kiçik yaşlarından öyrədilməlidir.
Sağlam saçlara sahib olmaq normal qidalanma ilə də əlaqəlidir. Ona görə də övladınızın payına düşən meyvə və tərəvəzi yediklərindən əmin olun.