Bağça gələcəyin şahmatçılarını yetişdirir

Şahmat oyunu uşaqlarda dünyagörüşünün artmasına, zəkanın inkişafına, diqqətli olmağa və gələcək addımları əvvəlcədən görməyə kömək edir.

Bunu nəzərə alan “Sehirli Dayə” uşaq bağçası da balacalar üçün mütəmadi olaraq şahmat dərsləri təşkil edir. Şahmat üzrə xüsusi dərəcəli təlimçilər tərəfindən aparılan dərslərdə uşaqlara oyunun qaydaları, şahmat fiqurlarının adları və  gediş istiqamətləri haqqında məlumat verilir. Bununla yanaşı uşaqlar öyrəndikləri yeni məlumatları praktiki olaraq dərs boyu tətbiq edir, şahmat oynayırlar.

Qeyd edək ki, şahmat dərsləri “Education Network Management” təhsil şəbəkəsinə daxil olan bütün bağçalarda tətbiq olunur.