Uşaq bağçasında Novruz ab-havası

Uşaqların sərbrsizliklə gözlədiyi bayramlardan biri də Novruzdur. Məhz bu bayramda icra  olunan maraqlı adətlər uşaqların sevincinə və əylənməsinə səbəb olur.

Buna görə də hər zaman uşaqları sevindirməyə, onların asudə vaxtlarını səmərəli keçirtməyə çalışan uşaq bağçası martın 17-si Novruzun son çərşənbəsində bayram şənliyi təşkil edib. Milli adət-ənənələr əsasında təşkil olunan bayramda balacalar həm rəqs edib, həm də müxtəlif səhnələr göstəriblər. Onlar bayrama qonaq gələn Bahar qızına bacarıqlarını, Novruzla bağlı biliklərini göstərməyə tələsirdilər. Kosa və Keçəli canlandıran balacalar isə tədbirə əsl bayram abu-havası qatdılar. Bu bayramda uşaqlar şənlənməklə yanaşı Novruz adətləri ilə yaxından tanış oldular. Eyni zamanda onlar Novruzda ən sevdikləri bayram adətlərini – papaq atmağı, tonqaldan tullanmağı da unutmadılar. Balacalar bağçanın aşbazı Leyla xanıma Novruzun əvəzolunmaz şirniyyatları olan şəkərbura və paxlavanı bişirməkdə kömək etdilər.