Mütəxəssislər bildirir ki, xarici dil öyrənməyə başlamaq üçün ən uğurlu dövr kiçik yaşlar hesab olunur. Belə ki, azyaşlıların qavrama qabiliyyəti və yeniliklərə həvəsi yetkinlərə nisbətən daha çox olur.
Uşaq bağçası uşaqların erkən yaşlarından dərin biliklərə yiyələnməsinin, onların gələcək həyatında daim yaşıdlarından bir addım öndə olmasına kömək edəcəyinə inanır. Elə buna görə də bağçada Azərbaycan və rus dili qrupları ilə yanaşı, ingilis dili qrupu da fəaliyyət göstərir. Həmçinin, bütün qruplar üzrə uşaqlara xüsusi qrafiklə ingilis dili dərsi tədris olunur. İnteraktiv formada keçirilən dərslərdə bütün danışıqlar ingilis dilində aparılır və yeni sözlər müxtəlif oyunlar vasitəsilə öyrədilir. Bundan əlavə, dərsləri daha da maraqlı etmək üçün uşaqlarla birgə müxtəlif eksperimentlər aparılır.