Aprel ayının 10-da uşaq bağçasında “12 Aprel – Kosmonavtika Günü” ilə bağlı tədbir keçirilib. Tədbirdə uşaqlara qalaktikada neçə planetin olması, ilk dəfə kosmosa kimin uçması haqqında məlumat verilib. Daha sonra isə tədbirdə uşaqlar səhnəciklərlə çıxış ediblər. Çıxış edəcəkləri səhnələri özləri seçən uşaqlar, ilk olaraq “Sehirli xalat” filmini canlandırıblar. Digər qrup isə Yuri Qaqarinin Yerə qayıtması ilə bağlı olan səhnəcik ilə çıxış ediblər. Bu tədbir balacalarda kosmos, Yuri Qaqarinin kosmosa səyahəti, kosmosdakı həyatla bağlı təsəvvürlərin formalaşmasına kömək edib.
Həmin tədbirdən fotoları təqdim edir.
“Sehirli Xalat” filmindən səhnəciklər fotolarda:
Piyanerlər gələcəkdəki həmyaşıdları ilə görüşürlər.
Rəşid və Zərifə gələcəkdəki həmyaşıdlarından maraqlı kitab alırlar.
Gələcəkdəki uşaqlar onlara kitabın sirrini öyrədirlər.
Uşaqlar Rəşidin savadını elektron imtahançı ilə yoxlayırlar. aydın olur ki, o, Kimya və Fizikadan pis qiymət alıb.
Elektron imtahançının düz yoxsa səhv işlədiyini yoxlamaq üçün öz uşaqlarından birini əyləşdirirlər və onun düz işlədiyini sübut edirlər.
Daha sonra uşaqlar Kosmonavtika günü haqqında biliklərini bölüşürlər.
Yuri Qaqarinin kosmosa səyahət edən ilk insan olduğunu da qeyd edirlər.
Yuri Qaqarinin Yer kürəsinə qayıtma səhnəciyi fotolarda:
Yer kürəsinə geri qayıdan kosmonavtlar birlikdə olduqlarını göstərirlər.
Onlar Yer kürəsində yaşayan dostlarını salamlayırlar.
Dostları kosmonavtlara kosmos, orada baş verənlər haqqında maraqlı suallar verirlər.
Kosmonavtlar kosmodakı həyatdan danışırlar.
Onlar kosmosda necə vaxt keçirtdiklərini dostları ilə bölüşürlər.
Kosmosda necə qidalandıqlarını göstərirlər.
Kosmosda baş verənləri onlarla bölüşdükləri üçün, dostları kosmonavtlara təşəkkür edirlər.
Gənc kosmonavtların sağollaşması ilə səhnəcik başa çatır.