Gündəlik qida rejimi bağça yaşında olan uşaqların sağlam inkişafı üçün olduqca önəmlidir. Həmçinin qidaların hazırlanmasında istifadə edilən ərzaqların keyfiyyətli və istifadəyə yararlı olması da vacib amillərdəndir. “Education Management Network” təhsil şəbəkəsinə daxil olan bağçalarda uşaqların sağlam gələcəyi üçün qidaların təzə və keyfiyyətli olmasına xüsusi diqqət yetirilir. Bağçalarda qidalanma vaxtları gündəlik 5 dəfə – səhər yeməyi, meyvə vaxtı, nahar yeməyi, şirniyyat vaxtı, axşam yeməyi olaraq təmin edilir. Nahar vaxtı uşaqlar üçün həm sulu, həm də quru xörəklər hazırlanır. Yeməklərin hazırlanmasında uşaqların yaşı nəzərə alınır, həmçinin mövsümə uyğun olaraq, menyuya uşaqların immunitetini möhkəmləndirəcək qidalar daxil edilir. “İndigo” uşaq bağçasında nahar yeməyindən görüntüləri sizinlə paylaşırıq: