İyun ayının 6-da uşaq bağçasında “Məzun Günü” keçirilib. Dörd ildir ki, təntənəli şəkildə qeyd olunan gün bu il də unudulmaz anlarla məzunların yaddaşına həkk olunub.
Bağçadan ümumilikdə 19 uşaq məzun olub. Aparıcların çıxışı ilə başlayan “Məzun Günü” uşaqların əyləncəli rəqsləri və bir-birindən maraqlı səhnəcikləri ilə davam edib. Tədbir valideynlərin də aktiv iştirakı ilə yadda qalıb.
Valideynlərdən İlyasın anası Şahnaz xanım tədbirlə bağlı təəssüratlarını bizimlə bölüşüb:
Uşaq bağçasıyla dörd il bundan öncə tanış olmuşdum. Bu il artıq övladım İlyas məzun olur. Oğlum çox gözəl naliyyətlər əldə edib bu bağçada. İngilis dili, rus dili öyrənib, məntiqi çox güclüdür. Çox razıyam bağçamızdan”.
Leylanın valideyni Xəyalə xanım:
“Bu gün uşaq bağçasından ilk övladım Leyla məzun olur. Bəlkə də Leyladan çox biz həyəcanlıyıq. Bu cür təşkilatçılıq və uşaqlara olan qayğı üçün bağçaya təşəkkür edirik”.
“Məzun Günü”ndən xoş təəssüratlarla ayrılan uşaqlar da öz müəllimlərinə təşəkkür ediblər:
“Mən bağçanı çox istəyirəm. Bağça həyatı mənim üçün şən keçdi. Bağça üçün darıxacam.”
“Mənsurə müəlliməmə təşəkkür edirəm, bizə göstərdiyi qayğı və sevgiyə görə. O, bizə özümüzü necə aparmağı, mədəniyyətli olmağı öyrətdi. Samirə xanıma da çox sağ ol deyirəm.”
Tədbirin sonunda balaca məzunlar məktəbəqədər hazırlıq dövrünü uğurla başa vurduqları üçün diplomlarla təltif olunublar.