Aprel ayının 10-u uşaq bağçasında ingilis dili həftəsinin yekun tədbiri keçirilib. Tədbirin məqsədi illik hesabat olaraq valideynlər qarşısında çıxış etmək idi.
Uşaqlar valideynlərin qarşısında ingilis dilində bacarıqlarını nümayiş etdiriblər. Tədbir zamanı onlar bir-birindən fərqli səhnəciklər göstərib, ingilis dilində şeirlər deyiblər. Valideynlər də öz növbəsində uşaqlarının bilik və bacarıqlarını izləyiblər.
Bağçada ingilis dilini tədris edən Arzu müəllimə uşaqların ingilis dilini maraqla öyrəndiklərini deyir:
«İngilis dili indiki zamanda vacib dillərdən biridir. Ümumiyyətlə hər kəs istəyər ingilis dili olsun, istər digər dillər olsun, bilməlidir. Uşaqlar ingilis dilini çox sevə-sevə dinləyir, öyrənirlər. Oyunlarda çox aktiv iştirak edirlər. Mən də əlimdən gələni etməyə çalışıram ki, uşaqların bu həvəsini daha da artırım ki, uşaqlar bu gündən sabaha daha da inkişaf eləsinlər”.