Övladının yanlış seçim edəcəyindən narahat olan valideynlər əksər hallarda onların həyatına həddindən çox qarışır, uşaqların gələcəyini öz istəklərinə uyğun yönləndirməyə çalışırlar. Özlərinə haqq qazandırmaq üçün isə “Hər şeyi onun yaxşılığı üçün edirəm” deyirlər. Əziz valideynlər, bəs bu zaman övladınızın sizin haqqınızda nə düşündüyünü, onun gözündə necə obraz yaratdığınızı bilirsinizmi?
Belə etdiyiniz zaman övladınızın sizin haqqınızda nə fikirləşdiyini bilmək istəyirsinizsə, aşağıda yazılanları diqqətlə oxuyun.
1. Mənə güvənmir, buna görə də həddindən artıq qorumağa çalışır.
2. Onların qaydaları ilə yaşamağımızı istəyir, düşüncələrimizə sərhəd qoyurlar.
3. Bizi gələcəyimizlə bağlı vacib seçimlər edərkən də azad buraxmrılar.
4. Müəyyən müddətdən sonra dedikləri və etdikləri bir- birinə uyğun gəlmir. Etmə deyir, amma özü edir.
5. Keşmişdə arzulayıb edə bilmədiklərini bizim etməyimizi istəyirlər.
6. Əgər atasız ailənin tək oğlan uşağıyamsa, anam məni kiçik həyat yoldaşı olaraq görür, buna görə də o qədər məsuliyyətli olmağımı tələb edir.
7. Hər şeyi bizim adımızdan düşünüb, hazır həll yolunu qarşımıza qoyaraq bizi heç nə etməyə qoymurlar.
8. Bizə balıq tutmağı öyrətmək əvəzinə qarşımıza hazır balıq qoyurlar.
9. Sadəcə maddi ehtiyaclarımızı qarşılayaraq ana-atalıq vəzifələrini yerinə yetirdikərini düşünürlər.
10. Özləri valideynlərinin onları kifayət qədər əzizləmədiyini, qayğı göstərmədiyini deyirlər, amma bizə də kifayət qədər diqqət göstərmirlər.
Bu qədər, əziz valideynlər, əgər övladınızın sizin haqqınızda yuxarıda sadalananları düşünməyini istəmirsinizsə, ona rahat şəkildə öz fikirlərini ifadə edə biləcəyi şərait yaradın, danışdığı hər sözün sizin üçün əhəmiyyətli olduğunu hiss etdirin.