“Məktəbli Klubu” 5-11 yaş arası uşaqların tətili səmərəli keçirməsi üçün “Məktəbli Yay Düşərgəsi” təşkil edir. “Əylənirik, Öyrənirik, Dincəlirik” şüarını əsas tutan düşərgə Mərdəkan qəsəbəsində yerləşir.
Düşərgə haqqında Bagcam.az-a “Məktəbli Klubu”nun rəhbəri Ləman Hüseynli müsahibə verib. O, bildirib ki, düşərgədə uşaqlar həm istirahət edəcək, həm də müəllimlərinin onlara öyrədəcəyi bilik və bacarıqlara yiyələnəcəklər:
“Düşərgəmiz 3 ay – iyun, iyul, avqust ayları ərzində, həftədə 5 gün, səhər saat 09:00-dan axşam saat 18:00-a qədər fəaliyyət göstərəcək. Hər səhər uşaqlar nəqliyyat xidmətimiz vasitəsilə düşərgəyə gətiriləcək, axşam isə ailələrinə təhvil veriləcək. Yay düşərgəsi xüsusi təhlükəsizlik xidməti tərəfindən mühafizə olunacaq və düşərgədə xüsusi tibbi personal fəaliyyət göstərəcək. Uşaqların xüsusi yemək və yuxu rejimi olacaq”.
Düşərgədə uşaqların faydalı vaxt keçirməsi üçün bir neçə əlavə xidmət də göstəriləcək:
“Uşaqların bacarıqlarını inkişaf etdirmək üçün düşərgədə rəqs, gimnastika, teatr, art studio, kapoeyra, üzgüçülük dərsləri təşkil ediləcək. Bunlardan əlavə isə conversation klub, master klass festival, müsabiqə, əyləncəli yarışlar, zəka oyunları da keçiriləcək. Bütün kollektiv olaraq maksimum dərəcədə uşaqlara bildiklərimizi və bacardıqlarımızı aşılamağa çalışacağıq”.
Artıq düşərgəyə uşaq qəbulunun başladığını bildirən Leyla xanım uşaqların düşərgə müddətində rahat vaxt keçirə bilmələri üçün onları müxtəlif kateqoriyalar üzrə qruplara bölünəcəklərini deyib:
“Uşaqların yaş standartlarını nəzərə alaraq qruplar müəyyənləşdirmişik, həmçinin qruplar Azərbaycan və rus bölmələri üzrə də bölünəcək. Hər qrup üçün isə ayrıca proqramlar təşkil ediləcək. Qrupdan və bölgüdən asılı olmayaraq uşaqlar hər səhər düşərgənin adını daşıyan himn oxuyacaq, səhər yeməklərini yeyəcək və gündəlik ayrılmış proqramları keçəcəklər. Günorta yeməyini yedikdən sonra, musiqi dinləyərək və ya düşərgənin həyətində əyləncəli oyunlar oynayaraq dincələcəklər”.
Düşərgənin uşaqlara ümumi komanda ruhu və yeni dostlar qazandıracağını söyləyən klub rəhbəri, onların hər yay bu düşərgəyə qoşulacaqlarına əmin olduğunu söyləyib.
Əziz valideynlər, əgər siz də övladınızın yay tətilini təhlükəsiz və rahat mühitdə əylənərək, həm də öyrənərək keçirməsini istəyirsinizsə, “Məktəbli Yay Düşərgəsi”nə müraciət edə bilərsiniz.
Əlaqə nömrəsi: (+994) 70 264 50 12