Övladınızın inkişaf edən hafizə və qavramasını davamlı olaraq sınağa çəkin. Bunun üçün ona oxuduğunuz nağılları, danışdığınız əhvalatları sizə nəql etməsini xahiş edin. Övladınız ilk olaraq bir neçə cümlə ilə nağılı sizə danışmağa cəhd göstərəcək. Əgər o, süjet xəttindəki mühüm məqamları qeyd etməyi unudursa, suallar verməklə bu məlumatı ondan almağa çalışın. Sualları nağıldakı hadisələrin ardıcıllığına, nağıl qəhrəmanlarına, yaxud əhvalatın baş verdiyi səhnələrə uyğun şəkildə qruplaşdıraraq verin. Belə ki, yaddaşın güclü olması üçün verilən məlumat seçilərək və qruplaşdırılaraq xatırlanmalıdır. Məsələn, nağıl qəhrəmanı qrupunda verilə biləcək suallar: ”Tık-Tık xanım suda boğularkən kimi səsləyirdi? Siçan bəylə Tık-Tık xanım necə görüşmüşdü? Tık-Tık xanım başqa kimlərlə rastlaşmışdı?” və sairə.
Qeyd : Bu məlumat Məktəbəqədər (4 – 6) yaş üçün nəzərdə tutulub.
Mənbə: Valideyn.az
İnsanın təbiətində var olan qısqanma duyğusu uşaqlıqda tez-tez bacı-qardaş doğumu ilə ortaya çıxır. “Bir qardaşım olsun”, “qardaş istəyirəm” deyərək ana və atasını bezdirən bir uşaqda belə bacı-qardaş doğumundan sonra qısqanclıq əlamətləri özünü göstərə bilər.
Bir çox evlərdə difenbahya, yəni xalqa arasında “ağlayan çiçək” kimi tanınan bu bitkini görməyə vərdiş etmişik. Ona qulluq edir, su verir və yarpaqlarını əlimizlə yuyuruq. Amma aparılan araşdırmalara əsasən bu çiçəyin zərərli ola biləcək əlamətlərinin də mövcudluğu ortaya çıxıb. Belə ki, türkiyəli uşaq həkimi Ümid Sarıcısı bu ev bitkisinin xüsusən uşaq böyüyən evlər üçün təhlükəli olduğunu bildirib. Bagcam.az Ailem.az-a istinadən mütəxəssisin bu çiçəyin təhlükələri haqqında fikirləri ilə sizi tanış edir. Həkim və qrupu tərəfindən aparılan araşdırmalara görə, difenbahyaya əllə toxunmaq və iyləmək belə, zərərlidir: “Difenbahyanın səbəb olduğu zəhərlənmə hallarında gülün yarpaqlarının əllə ovulması, qoparılması və tapdalanması nəticəsində əl, dil və dodaqlarda şişmə, yanma, ağrı meydana gələ bilər. Eyni zamanda, nəfəs yolu tıxanıqlığı, tənəffüs çatışmazlığı kimi ciddi problemlər də ortaya çıxır: Buna görə də valideynlər uşaqlarına difenbahyaya uzaqdan baxmağı məsləhət görməlidirlər. İri yarpaqları və qalın gövdəsi ilə gözəl ev çiçəyi olan difenbahyaya qulluq etmək son dərəcə asandır. Eyni zamanda, tez böyüyən bitkidir. Olduğu mühitə uyğunlaşan difenbahya çiçəyi hər yerdə asanlıqla böyüyür və yetişir”.
Uşaqların inkişafında ailə çox önəmli yer tutur. Bu səbəbdən valideynlər uşaqlarının hər bir ehtiyacını ən yaxşı şəkildə qarşılamalıdır. Lakin bəhs etdiyimiz bu ehtiyaclar uşağınızı təkcə maddi nemətlərlə təmin etməklə məhdudlaşmır, uşağınızın ən önəmli ehtiyacı mənəvi cəhətdən ona verdiyiniz dəstəkdir.
Araşdırmalara görə D vitamini çatışmazlığı sadəcə sümük əriməsi riskini 3 dəfə artırmır, eyni zamanda səbəbi bilinməyən sümük ağrılarına da səbəb olur. Bel ağrısından əziyyət çəkənlərin 80%-izində D vitamini çatışmazlığı vardır.
İdman bir mədəniyyət olaraq edilməlidir. Övladınız hansı yaşda idmana başlamasından asılı olmayaraq mütləq sağlamlıq müayinəsindən keçməlidir. Bir mütəxəssis tərəfindən müayinə edilən uşağın, əzələ və skelet sisteminin, seçim edilən idmanı etməyə uyğun olub olmadığına qərar verilməlidir. Əgər uşağınızın müəyyən bir sağlamlıq problemi varsa həkim tərəfindən müəyyən olunub, özünə uyğun olan idman növünün qərarlaşdırılması çox əhəmiyyətlidir.
Utancaq uşaqlar başqaları ilə əlaqə qurmaqda çətinlik çəkir və sosiallaşa bilmirlər. Utancaqlıq zəif həddə başqalarından qorxmaq anlamına gəlir. Ancaq bu qorxu sosial fobiyası olanlardakı qədər şiddətli deyil.
İbtidai sinif şagirdlərinin məktəbdən sonrakı vaxtlarını səmərəli təşkil etmək, həmçinin valideynlərin qayğılarını bölüşmək məqsədilə “Mini Lisey” layihəsi yaradılır. 
Bagcam.az Ailem.az-a istinadən loqoped Bəsirə Pənciyevanın məqaləsini təqdim edir.
Körpələrin ilk 4-6 aylarına qədər sadəcə ana südü ilə qidalanmaları, sonra isə mütləq əlavə qidalara başlamaları tövsiyə olunur. Ancaq əlavə qidaların qəbuluna 4 aydan tez başlanmamalıdır. Bunun səbəbi isə uşaqların mədə-bağırsaq sistemi və böyrək funksiyalarının tam formalaşmadığı üçün bu dönəmdə əlavə qidaları qəbul etməyə hazır olmamalarıdır. Əksinə, əlavə qidalara gec başlandığında isə enerji və zülal qəbulunun az olması ilə əlaqədar infeksiya riskinin artması, dəmir əskikliyi ilə əlaqədar anemiya, vitamin-mineral qəbulunun az olması ilə əlaqədar böyümə-inkişaf geriliyi yarana bilər. Mütəxəssislərə görə, uşaqlara əlavə qida verərkən son dərəcə diqqətli olmaq lazımdır. Çünki əslində sadə bildiyimiz yanlışlar övladınızın gələcək yaşlarında bəzi problemlər yarada bilər. Məsələn, körpələrə 1 yaşından əvvəl verilən duz damarlarda yığılaraq erkən yaşda hipertenziya xəstəsi olmalarına səbəb ola bilər.