Bitkilərin faydalarını saymaqla bitməz. Xəstələrin sağalma müddətlərini sürətləndirir, xəstəxana və ofis işçilərinin ruh hallarını yaxşılaşdırır, motivasiyalarını və məhsuldarlıqlarını artırırlar.
Bitkilər sağlamlığımızı və xoşbəxtliyimizi təmin etməklə yanaş, məktəblər və digər təhsil yerləri üçün də olduqca faydalı ünsürdülər. Eynən ofislərdə və xəstəxanalarda olduğu kimi, məktəblərdə də stress səviyyəsi tez-tez arta bilir və xətəlik törədən mikroblar yaxın təmasdan dolayı bir insandan digərinə asanlıqla keçə bilir.
Bitkilərin sinifdəki ümumi sağlamlığı və məhsuldarlığı necə artırdığını bilmək istəyirsinizmi?
Sinif içi performansı artırır
Bitkili bir ortamda olmağın yaddaşı yüzdə iyirmi nisbətində inkişaf etdirdiyi və bir sıra testdə müvəffəqiyyəti artırdığı təsdiqlənib. Bunun səbəbinin, bitkilərin yarpaqlarının və köklərinin arxa plandakı səsləri (maşın, oyun oynayan uşaqlar və ya dəhlizdə danışan insanlar kimi) qəbul edə bilməsi, istiqamətini dəyişdirə bilməsi və mane ola bilməsi olduğu düşünülür.
Diqqət dağıdıcı xarici səslərə mane olmasıyla yanaşı, bitkilər karbon dioksid səviyyəsini azaldaraq da sinif məhsuldarlığını artırmağa kömək edir. Yüksək karbon dioksid miqdarı baş ağrısına, yorğunluğa yol aça bilər və bunların hamısı diqqət toplamağa mənfi şəkildə təsir edir.
Stress və narahatlığın öhdəsindən gəlməyə kömək edir
Dibçək bitkilərinin şagirdlərin performansını artıra bilməsinin səbəbi də, stressi, gərginliyi və narahatlığı azaltmasıdır. Bitkilərin gərginliyi və narahatlığı 37 faiz, əsəbi isə 44 faiz azaltdığı müşahidə edilib.
Xəstəlikləri və davamsızlığı azaldır
Daha əvvəl də qeyd etdiyimiz kimi, məktəblərdə bitkilər yetişdirmək, işçilərin və şagirdlərin baş ağrısı kimi yan təsirlərə məruz qalmasına səbəb olacaq yüksək karbon dioksid səviyyəsini azaltmağa köməkçi olur. Bənzər formada Fjeld tərəfindən 2002-ci ildə Norveçdə edilən bir çalışmada, dibçək bitkilərinin məktəb şagirdlərində xətəliklə əlaqəli davamsızlıqlarını azaltdığı görüldü.
Bununla birlikdə pis hiss etməyimizə yol açacaq tək şeyin karbon dioksid olmadığını bildirməkdə fayda var. Uzun müddət məruz qaldığınız təqdirdə karbon dioksidinkinə bənzər təsirlər edəcək başqa toksinlər də mövcuddur.
Hər gün məruz qaldığımız toksinlər ofislərdə və xəstəxanalarda olduğu qədər məktəblərdə və digər təhsil mərkəzlərində yer alan bəzi maddələrdə də olur. Bunlardan bəziləri, kağız və salfetkalardakı formaldehid, təmizlik ləvazimatlarındakı amonyak və plastik maddələrdəki benzen. Yaxşı ki, məktəblərdə bitki yetişdirmək havanın bu toksit maddələrdən arınmasını təmin edir.
Birlik anlayışını təşviq edir
Son olaraq məktəblərdə bitkilər yetişdirməyin bir başqa faydası da şagird ilə sinif arasındakı əlaqəni gücləndirməsidir. Çünki bitkilər, sosial fəaliyyəti təşviq edir və iş birliyi ilə komanda çalışmasını dəstəkləyir.
Mənbə: egitimpedia.com