İnsanın tərbiyəsi və inkişafı uşaqlıq dövründən başlayır. Bu dövrdə uşağın inkişafı, motivasiyası, öyrənmə istəyi və fiziki fəaliyyəti çox vacibdir. Lakin bəzən uşaqlar tənbəllik edirlər. Bu məqaləmizdə uşaqlarda tənbəlliyin səbəblərini, nəticələrini və üstələnmə yollarını araşdırmışıq.
Uşaqlarda tənbəlliyin səbəbləri müxtəlif ola bilir. Bəzi uşaqlar tez həvəsdən düşürlər, məşğul olduqları fəaliyyətlərdə maraqlarını və motivasiyalarını itirirlər.
Tənbəllik, uşağın təhsilinə ciddi təsir edir. Uşaqlar hər bir mərhələdə öz potensiallarını reallaşdırmaq və özünü inkişaf etdirmək imkanına sahib olmalıdır. Tənbəllik, bu imkanları məhdudlaşdıraraq uşaqların inkişafını təhlükə altında qoyur.
Bəs bir uşaq nə zaman tənbəl olur? – Əgər valideyn övladının sözünü yerə salmırsa, “balam pis olmasın, əziyyət çəkməsin” düşüncəsiylə hərəkət edirsə, onun yerinə işləri görməyə çalışırsa, o halda uşaq asana öyrənir. Nəticədə isə tənbəl yetişir.
Tənbəlliklə mübarizə üçün bir neçə yol mövcuddur. Ən əsası, uşağın marağına uyğun təcrübələr və fəaliyyətlər təşkil etməkdir. Onları maraqlandıqları sahələrə yönləndirib, dəstək olmaqla öz potensiallarını tanımağına və reallaşdırmağına kömək edə bilərsiniz. Nəticələrindən asılı olmayaraq uşağınızın səylərini təqdir edin. Bu, onların özünə inamını və həvəsini artıra bilər.
Müntəzəm fiziki fəaliyyət, sağlam qidalanma və kifayət qədər yuxu ehtiva edən balanslaşdırılmış həyat tərzi uşağın motivasiya səviyyələrinə müsbət təsir göstərir.
Valideynlərin özlərindən yaxşı nümunə yoxdur. Uşaqlar valideynlərinin necə davrandığını görərək ona uyğun davranırlar. Onlara vacib tapşırıqları yerinə yetirməyin çətin olmadığını göstərməliyik və özümüz üçün böyük səy tələb etsə də, şikayətlərindiyimizi onlar görməməlidirlər.
Uşaqlarda tənbəllik, onların inkişafına, öyrənmə prosesinə və sosial tərbiyəsinə təsir edə bilən ciddi bir məsələdir. Uşaqların marağını, motivasiyasını və potensialını üzə çıxarmaq onların sağlam inkişafını təmin etmək üçün ən əsas addımlardan biridir. Tərbiyə və dəstək ilə, uşaqlar tənbəllik problemini aşa bilər və daha müvəffəq və sağlam bir həyat tərzi qura bilərlər.