Qərb KİV-ləri dünyanın yeni ən gözəl uşağını tapıblar. Bu, 6 yaşlı rus qızı Anastasiya Knyazevadır. Qızcığaz sosial şəbəkə istifadəçilərini “mələk baxışları” və “gəlinciyə bənzər xarici görünüşü” ilə heyran qoyub.
Anastasiyanın 500 min izləyicisi olan İnstagram səhifəsini anası idarə edir. Yeri gəlmişkən, uşağın anası Anna Knyazeva əvvəl model kimi çalışıb. Qızının 4 yaşı olanda onun adına İnstagramda səhifə açıb. 5 yaşında artıq Anastasiyanın model kimi ilk müqavilələri imzalanıb.
6 yaşlı Anastasiya hazırda Rusiya agentliklərindən birində çalışır və eyni vaxtda bir neçə brendin siması sayılır. İndi o da Tilan Blondo və Kristina Pimenova kimi “dünyanın ən gözəl uşağı” tituluna layiq görülüb.
Anna Knyazeva qızının çəkilişlərdəki fotoları ilə yanaşı, gündəlik şəkillərini də paylaşır. Şərhlərdə bəzi insanlar bu yaşda uşağın modellik etməsini düzgün saymırlar. Bəzi şərhçilər çəkiliş zamanı 6 yaşlı qızcığaza makiyaj etməyə icazə verdiyi üçün ananı qınayırlar. Ancaq əksəriyyət uşağın gözəlliyini tərifləyirlər.
Bagcam.az Ailem.az-a istinadən dünyanın ən gözəl qızı seçilən 6 yaşlı Anastasiya Knyazevanın fotolarını təqdim edir.
