2 yaşa kimi uşaqlara şirin yoğurt və şirələr verməyin – ALİMLƏR

Sağlam qidalanmağın əsasları hələ körpəlikdən qoyulur.

Bagcam.az Medicina.az-a istinadən xəbər verir ki, ABŞ nutrioloqları uşaq xəstəliklərinin profilaktikası məqsədilə 2 yaşa kimi körpələrə şirin yoğurt və meyvə şirələri verməyi tövsiyə etmir.

Elmi işin müəllifləri 1000 uşağın qidalanmasını 6 aydan 2 yaşa kimi analiz edib.

Məlum olub ki, 6 aylıqdan 11 aya kimi körpələr hər gün 1-2 çay qaşığı dozasında şəkər qəbul edir. 1 yaşdan 2 yaşa kimi uşaqlar isə 5-6 qaşıq şəkər alır. Bu miqdarda şəkər onların orqanizminə şirin qidalar, yoğurt, meyvə püre və şirələri ilə daxil olur. Peçenye, vafli, konfetlər də bura aiddir.

2 yaşına kimi rasionunda normadan artıq şəkər olan uşaqlarda sonradan astma, piylənmə, kariyes, təzyiq, diabet, hormonal pozulmalar qeydə alınır.